Bulangan sa Don Esteban Lapuz, ginpasiraduhan sang City Government

Iloilo City — Ginpasiraduhan sang Task Force on Internet and Gaming Center Anti-Piracy and Pornography (IGCAPP) kaupod ang Business Permits and Licensing Office (BPLO) kag kapulisan ang Rockwell cockpit arena sa Don Esteban, Lapuz.

Ini kasunod pagpapanaog ni Mayor Jed Patrick Mabilog sang Executive Order no. 35 nga nagamando sang immediate closure sang bulangan.

Suno kay Task Force IGCAPP head Ben Palma, indi pwede maka-operate ang bulangan tubtob indi nila ma-comply ang mga requirements pareho sang Franchise kag Business permits.

Dugang pa niya, nag-untat na sang operasyon ang Rockwell sang Marso 12 sang ginpaandaman sang kapulisan kag sang city government. (JoMaque)