Trisikad driver sa Oton, patay sang gintiro sang riding-in-tandem
Oton, Iloilo–Patay ang trisikad driver nga gintiro sang riding-in-tandem sa Barangay Poblacion North pasado alas-10 kaina sang aga.
Nagahulat sa iya asawa si Eliseo Hemilla sa guwa sang lending office sang ginpalapitan sang mga suspek kag gintiro sang makapila ka beses. Nakadalagan pa ang biktima kag nadala sa ospital pero gindeklarar nga dead-on-arrival.
Pagtimalus ang isa sa mga ginasunod nga motibo sa krimen. Si Hemilla ang may kaso nga pagpatay kag nakaagi preso masobra 10 ka tuig na ang nakaligad.
Naka-recover ang mga pulis sang pito ka basiyo sang bala sa crime scene. At-large ang mga suspetsado. (AGB)