Duha ka bata nga babaye sa Calinog, nakaluwas matapos gintuyo nga i-abduct

Calinog, Iloilo — Gintuyo nga i-abduct ang duha ka bata nga babaye sa Barangay Badu Calinog. Ginkonfirmar ni PO3 May Cervas sang Calinog Police Station nga nagreport ang punong barangay matapos ginsugid sang magpakaisa nga lunsay naga-edad pito ka tuig ang insidente sang biernes, pasado alas-5 sang hapon.

Base sa pag-istorya ni Cervas sa mga bata, nagalakat sila pakadto sa tiangge sang gindulugan sang puti nga van kag ginpanaugan sang duha ka dalagku nga lalaki. Ginpahayag sang mga bata nga ginpasakay sila sang mga lalaki sa van bangud hatagan sila sang dulse kag idul-ong pauli.

Pero nagduda ang mga bata bangud may suksok nga mask ang duha ka lalaki gani nagdalagan sila kag nagpanago sa kawayanan. Wala na-identify ang duha ka lalaki kag wala man sang nakakita kon ano ang plate number sang van. (JoMaque)