Governor’s Night para sa mga delegado sang Palarong Pambansa 2017
Antique — Nangin madinalag-on ang Governor’s night para sa delegado sang Palarong Pambansa 2017 nga ginhiwat sa Evelio B. Javier Freedom Park sa San Jose Antique kagab-i.
Gintinguhaan gid ni Antique Governor Rhodora Cadiao nga madayon ang event agud i-welcome ang mga delegasyon sa Palaro nga gina-host sang probinsya sa labing una nga tiun.
All-set naman ang tanan para sa opening cerremony karon sa hapon sa diin mangin guest of honor si Presidente Rodrigo Duterte. Ginpasalig ni Cadiao nga madamu nga sorpresa ang ila ginpreparar para sa opening nga sigurado nga mangin memorable gid kag nagakabagay sa ika-60 nga edition sang Palaro.
Linibo ka atleta halin sa 18 ka rehiyon sa pungsod ang magapa-indis indis sa 24 ka sports events. (JoMaque)