ArchivesLokal

Mga barangay officials sa syudad, liwat nga maga-Lakbay Aral!

Iloilo City–Liwat nga magahiwat sang ‘Lakbay Aral’ ang mga punong barangay sa syudad sa Puerto Princesa City, Palawan sa Mayo 2 tubtub 4.

Hibaluon sang mga kapitan ang eco-tourism practices sang Palawan bilang suporta sa programa sang DILG Region 6. 30 tubtub 40 ka mga punong barangay sa syudad ang maga-upod sa tatlo ka adlaw nga Lakbay Aral kag magagasto sang tag-13 mil pesos.

Suno kay Liga President kag Ex-Officio Councilor Reyland Hervias, pagatun-an sang mga kapitan ang mga paagi kun paanu mapabilin ang katinlo sang kadagatan kag kun paanu mangin tourist attraction ang lugar.

Sang Marso, naghiwat man ang mga barangay officials sang exploratory learning sa Naga kag Legazpi cities para mahibaluan ang best practices sa solid waste management, barangay drug-clearing program kag disaster management. (AGB)

Leave a Reply