Antique Gov. Rhodora Cadiao, liwat nagpasalamat kay Pres. Duterte sa paghatag pagtamud sa probinsya

Antique — Daku ang pasalamat sang mga Antiqueños sa pagtambong ni Presidente Rodrigo Duterte sa opening ceremony sang Palarong Pambansa 2017 karon sa hapon.

Sa press conference kahapon, ginpabutyag ni Antique Governor Rhodora Cadiao nga nagapasalamat sila bangud magluwas nga ini ang labing una nga tiun nga naghost ang probinsya sa palaro, ini man ang labing una nga may makadto nga presidente sang republika sa masobra 10 ka tuig. Bisan sang ginlaslas sang bagyo Yolanda ang antique suno kay Cadiao, wala sang may nagkadto nga presidente sa ila lugar gani kadungganan nga maabot karon si Presidente Duterte.

Kon may tiun naman suno kay Cadiao, personal siya nga mapasalamat sa presidente sa ginbubo sini nga pondo sa probinsya kag mapabalo nga nagasuporta ang mga Antiqueños sa iya mga programa. (JoMaque)