ArchivesLokal

Ilonggo athlete, nakahimo sang bag-o nga record sa javelin throw!

Antique–Nagapanguna ang National Capital Region nga may pinakamadamo nga medalya sa una nga adlaw sang Palarong Pambansa.

Sa partial and official result alas-5:05 subong nga hapon, sa kabug-usan, may 14 ka gold, 11 ka silver kag 6 ka bronze medals ang NCR. Nagapangaduha ang Negros Island Region ukon Region 18 nga may 4 ka gold, 1 ka silver kag 1 ka bronze medals. Nagasunod ang Region 7 nga may 3 ka gold, 1 ka silver kag 3 ka bronze medals. Ang host region nga Western Visayas may 1 ka gold, 2 ka silver kag 3 ka bronze medals pareho sa record sang Region 5. Ang Region 4-a, may 1 ka gold, 1 ka silver kag 1 ka bronze medals. Ang Region 10, may 1 ka gold kag duha ka bronze medals; Region 12-3 ka silver kag 1 ka bronze medals; Region 3-2 ka silver medals;  CARAGA Region-1 ka silver kag 2 ka bronze medals; Region 1-1 ka silver kag 1 ka bronze medals kag may tag-isa ka bronze medal ang Regions 4-b, 8 kag 9. Wala pa sang nakuha nga medalya ang Regions 2, 11, ARMM kag Cordillera Administrative Region.

‘New record’

Samtang sa secondary athletics boys, nakaguba sang record ang atleta sang Western Visayas nga si Lames Lozañez sang Estancia National High School nga nakahaboy sa kalayuon nga 59.46 meters sa javelin throw. Naguba sini ang record ni Bryan Pacheco nga 57.81 meters sang 2013 Palaro. (AGB)

Leave a Reply