(Update) Bana nga gin-utdan kinatawo sang iya asawa sa Carles, desidido nga magpasaka sang kaso!
Carles, Iloilo–Desidido nga magpasaka sang kaso ang construction worker nga gin-utdan kinatawo sang iya asawa.
Suno kay alyas Mark, 33-anyos, wala na siya sang plano nga balikan ang asawa nga si alyas Liezel, 32-anyos. Mas maayo na lang kuntani suno kay Mark nga ginbuno siya sang sa gin-utdan sang kinatawo.
Gin-ako sini nga may isa siya ka naka-relasyon apat ka tuig na ang nakaligad pero natapos na ini. Suno pa kay Mark, tsismis lang ang nabatian sang asawa nga may lima siya ka mga babaye.
Masakit suno kay Mark ang ginhimo ni Liezel pero kinahanglan niya malampuwasan para sa tatlo nila ka kabataan. Si Liezel ang nagsurrender sa Carles police agud sabton ang iya ginhimo. (AGB)