Bana nga gin-utdan manoy sang iya asawa sa Carles, indi na magbalik sa babaye

Carles, Iloilo — Indi na magbalik sa iya asawa ang 33 anyos nga construction worker nga gin-utdan sang kinatawo sang iya misis sa Barosbos, Carles.

Suno kay alyas Mark, pasakaan niya man sang kaso si alyas Liezl, 32-anyos bangud sa ginhimo sa iya. Gin-ako ni Mark nga may nakarelasyon siya apat ka tuig na ang nakaligad sa Boracay pero wala na ini nasundan. Tsismis man lang suno sa bana ang nabatian sang iya asawa nga makalima ka beses siya nga nagluib diri.

Masakit suno kay Mark nga mautdan siya sang kinatawo pero tinguhaan niya nga makabangon para sa tatlo ka kabataan nila niLliezl. Sanday Mark kag Liezl ang 14 ka tuig na nga kasal kag may tatlo ka kabataan nga lunsay mga babaye.

Nagsurrender si Liezl sa Carles police kag nagpabutyag sang kahanda nga atubangon ang iya ginhimo.

Nanginwala naman si Mark nga may karelasyon siya subong. Matuod suno sa iya nga may nakarelasyon siya sa Boracay apat ka tuig na ang nakaligad pero wala na nasundan kag posible nadala lang sa tsismis ang iya asawa. Wala naman nagapati si mark nga palangga pa siya ni Liezl bangud sa ginhimo sa iya. Plano sini nga ipadala kay liezl ang iya nautod nga kinatawo. (JoMaque)