ArchivesLokal

Councilor Armand Parcon, handa nga depensahan ang iya Centenarian Ordinance kasunod sang pag-veto ni Mayor Mabilog

Iloilo City — Depensahan ni Councilor Armand Parcon ang iya ginduso nga resolution nga maghatag sang 50,000 pesos nga cash incentives sa mga centenarians.

Ginpasiguro ini ni Parcon bisan gin-veto ni Mayor Jed Patrick Mabilog ang duha ka probisyon may kaangtanan sa paghatag sang cash incentives kag pagtigana sang pondo para sa nasambit nga incentives. Ginrason ni Mabilog nga masakripisyo ang  importante nga mga proyekto sang city government kag maapektuhan ang general welfare.

Ginpabutyag man ni mabilog nga nagahatag ang syudad sang 10,000 pesos kag 100,000l pesos ang iya ka DSWD sa mga centenarians.

Pero ginpahayag ni Parcon nga maayo ang katuyuan sang resolution kag wala sang personal nga motibo bangud ginsuportahan sang tanan nga konsehal. Dugang ni Parcon, gamay lang ang 50,000 pesos nga cash incentives kon ikumparar sa daku nga contribution sang mga centenarians sa sosyodad. (JoMaque)

Leave a Reply