Findings sa imbestigasyon sa 3 ka mga punong barangay sa syudad nga ginapatihan drug protectors, i-refer sa Ombudsman
Iloilo City — I-refer sa Ombudsman ang joint committee report sang Committee on Barangay Affairs kag Police Matters may kaangtanan sa pag-imbestigar kanday Bakhaw Mandurriao punong barangay Remia Prevendido-Gregori, Monica Blumentrit, City Proper punong barangay Keith “Dabing” Espinosa kag Desamparados Jaro punong barangay Noemi Jablo sa isyu sang illegal drugs.
Suno kay Councilor Plaridel Nava nga nagbulig kay Councilor Jeffrey Ganzon, chairman sang committee on police matters, sa paghimo sang report, kabahin sang ila rekomendasyon ang pagforward sang resulta sang imbestigasyon sa office of the ombudsman. Mahimo basehan ang committee report agud mapasakaan sang kaso ang duha sa tatlo ka kapitan.
Base sa findings, hungod nga wala ginlakip nanday Gregori kag Espinosa ang pangalan sang ila mga himata nga ginatudlo drug personalities sa ila barangay. Base sa joint committee report, wala nabutang ni Gregori sa confidential list ang iya bata nga si Boni Gregori, utod nga si PDEA 6 identified drug grup leader Richard Prevendido kag John Rey Prevendido kag wala man ginlakip ni Espinosa ang pangalan sang iya bana nga si JingJing Espinosa. (JoMaque)