Western Visayas, nakakuha sang 3 ka gold medals sa swimming elementary girls; Region 6, may napulo na ka gold medals
Antique — Tatlo ka gold medals ang nadaugan sang Western Visayas sa swimming elementary girls kahapon gani nga naglab-ut sa 10 ang bulawan nga medalya sang rehiyon sa nagapadayon nga palarong pambansa sa Antique.
Nagdaug ang atleta sang region 6 sa 200-meter back stroke, 50-meter butterfly kag 4 by 50-meter medley relay nga lunsary events sa swimming elementary girls. Nakakuha man sang gold medal para sa Western Visayas sanday Adrian Canaya sa shot put elementary boys; Malou Davasol sa Javelin Throw Elementary Girls; Mary Rose Billones sa High Jump Elementary Girls; John Clark Segutier sa Arnis (Anyo Individual Event Single Weapon) Secondary Boys; James Lozañez sa Javelin Throw Seconday Boys nga nakahimo sang palaro record; Alexie Mae Caimoso sa High Jump Secondary Girls kag Elvy Villagoniza sa Long Jump Secondary Girls.
Silver medalists naman sang Region 6 sanday Precious Neryet Baticbatic sa Arnis (Anyo Event Individual Single Weapon) Elementary Girls; Rhealyn P. De Costa sa Shot Put Elementary Girls; Adrian Brix Jarli, John Daniel Bulquerin, John Kenneth De Otoy kag John Lorence Villaseñor sa Table Tennis Team Event Elementary Boys; Angela Joy Marie Bermejo saTaekwando (Poomsae Individual Group B) Elementary Girls; Angie Nicole Reyes sa Arnis (Anyo Individual Event Single Weapon) Secondary Girls; Ronald Lacson sa Javelin Throw Seconday Boys kag Jil Iron Tabuena sa Shot Put Secondary Boys.
Samtang ang bronze medalists sang Region 6 ginabug-usan nanday Alexander Moronio-Bronze sa Artistic Gymnastics (Individual All Around-Cluster 1) Elementary Boys kag Artistic Gymnastics (Mushroom-Cluster 1) Elementary Boys; Jade Delariarte, Joanah Grace Olmos, Ella Nicole Bernantes kag Miel Elizallen Degutierez sa Table Tennis Team Event Elementary Girls; Joel Delatina Jr sa Taekwando (Poomsae Individual Group A) Elementary Boys; Niesha Kariz Pequierda sa Taekwando (Poomsae Individual Group A) Elementary Girls; Walter Vincent Petipit sa Artistic Gymnastics (Floor Exercise) Secondary Boys; Lennon Chiva, Walter Vincent Petipit kag Roger Randera sa Artistic Gymnastics (Team) Secondary Boys; kag Hannah Erika Magluyan sa Billiard Secondary Girls. (JoMaque)