Mayor Jed Patrick Mabilog, mangita sang pondo para sa financial incentives sang mga centenarians
Iloilo City–Pangitaan ni Mayor Jed Patrick Mabilog sang pundo ang financial incentives para sa mga centenarians matapos naaprobahan ang ordinansa ni Councilor Armand Parcon.
Suno sa alkalde, wala na siya sang mahimu bangud ang section 3 kag 9 lang sang ordinansa ang iya gin-veto kag wala nadiparahan ang section 6 sa diin nasaad ang paghatag sang P50,000 nga incentives kag awards sa mga centenarians. First time suno kay Mabilog nga nahibaluan niya nga may nabutang nga specific amount sa ordinansa. Kalabanan suno sa iya sa mga na-aprubahan nga ordinansa nabutang ang ‘subject to the availability of fund.’
Magluwas sa pagpangita sang pundo, magadihon man sang implementing rules ang alkalde para sa ordinansa.
Ginpahayag ni Mabilog nga plano niya pa kuntani nga dugangan ang mga beneficiaries sa local social pension sang syudad apang kinahanglan ini nga maghulat bangud unahon ang i-implementar ang Ilonggo Centenarian Ordinance. (AGB)