January 18, 2022

Mga winners sa Palaro, posible magabaton sang duha ka medalya!

Read Time:51 Second

Antique–Posible nga duha ka medalya ang mabaton sang mga nagdaug nga atleta sa 2017 Palarong Pambansa.

Kasunod ini sang pagrekomendar sang Bids and Awards Committee sang Antique Provincial Government nga ihatag sa supplier nga 168 ang kontrata sa pag-supply sang mga medalya sa Palaro. Suno kay Nicolasito Calawag, chairman sang provincial BAC sang Antique, gindonar lang ang una nga mga medalya nga ginhatag na halin sang nagsugod ang hinampang.

Nagreklamo ang 168 matapos gindisqualify sila sang BAC sa pagsupply bisan sila ang lowest bidder base sa ginsumiter nga quotation. Ginrason sang BAC nga wala nakahingagaw sa deadline ang 168 agud magpresentar sang sample. Pero suno kay Atty. Eduardo Fortaleza, abogado sang 168, nakapahimo na sila sang customized nga mga medalya sa China antes nagpadala ang BAC sang sulat nga nagarequire sa ila sa pagpresentar sang sample.

Nagfile kahapon si Fortaleza sang motion for reconsideration sa Antique Provincial Prosecutors Office kag nagpamahug nga mapasaka sila sang kaso batuk sa BAC kag provincial government kon indi sila mapaboran sang korte. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 25-anyos nga dalaga nga may nervous breakdown sa Cabatuan, ginkadenahan sang iya iloy
Next post ‘Naga-obstruct sa dalan’