MIWD, nagpangayo sang bulig sa publiko kontra kinawatay tubig sa syudad

Iloilo City — Nagapangayo sang bulig ang general manager sang Metro Iloilo Water District agud ma-untat ang illegal connection sa ila mga tubo. Natukiban suno kay MIWD General Manager Imelda Magsuci nga dalagku ang tubo nga illegal nga ginatakud sa ila linya. Ginpa-athag sini nga 40 tubtob 50 porsyento ang ila kapierdihan sa non-revenue water.

Indi dali-dali nga makita ang illegal connection suno kay magsuci bangud nga ginalubong sang madalum sa duta. Natukiban ang illegal nga aktibidad sang nagkutkot para sa mga road projects.

Ginpahayag ni Magsuci nga kinahanglan nila ang kooperasyon sang tanan agud mapunggan kag madakpn ang mga nagahimo sang illegal. Mahimo suno kay Magsuci nga magpalab-ut sang impormasyon sa ila paagi sa hotline numbers 337-3272; 337-4744 kag 337-3235. (JoMaque)