Modified mufflers, dumilian na sa siyudad

Iloilo City — Pagadumilian na ang modified mufflers sa syudad. Ini matapos gin-aprubahan sang city council ang proposed ordinance ni Councilor Joshua Alim  nga nagadumili sa pagbaligya,pag- install kag paggamit sang modified mufflers sa mga public kag private motor vehicles sa syudad.

Base sa ordinansa, ang madakpan nga nagalapas ang magabayad sang 1,000 pesos nga multa kag confiscation sang driver’s license para sa first offense; 3,000 pesos  kag confiscation sang driver’s license sa second offense kag 5,000 pesos, removal kag confiscation sang driver’s license, muffler kag tatlo tubtob 6 ka bulan nga pagka-preso sa third offense.

Ang anti-mufflers ordinance ang ginpasar bangud sa mga reklamo sa tuman ka gahod nga tambutso sang mga motorsiklo. (JoMaque)