ArchivesLokal

Duha pilason sa pagpangluthang sa Pototan!

Iloilo — Duha ang pilason sa pagpangluthang sa Malusgod, Pototan malapit sa bag-o nga merkado sang banwa kagab-i.  May pilas sa tuo nga parte sang dughan si Daniel Galgo, 23-anyos sang Barangay Abangay, Pototan samtang may pilas sa alatrasan si Rene Boy Peronce, 47-anyos sang Malusgod.

Suno kay PO2 Raffy Gonzales sang Pototan Police Station, ginsulong ni Peronce sa iya balay ang suspek gani posible nga ini ang rason sang pagpangluthang. Nagaguwa sa imbestiasyon sang mga pulis nga may daan nga hiligut-anon ang suspek kay si Peronce. Nasalabat naman si Galgo sang nagtuyo ini sa pagpatunga sa away.

At-large ang suspetsado. Narecover sa crime scene sang duha ka empty shells sang 9mm nga pusil.(JoMaque)

Leave a Reply