NCR, nagpangibabaw sa 2017 Palaro sa Antique
Antique–Gin-dominar sang National Capital Region ang 2017 Palarong Pambansa. Sa closing ceremony sang Palaro kaina sang hapon, gindeklarar nga overall champion ang NCR sa regular sports elementary kag secondary level nga may 98 ka gold, 66 ka silver kag 45 ka bronze medals.
1st runner-up ang Region 4A ukon CALABARZON nga may 41 ka gold, 57 ka silver kag 57 ka bronze medals kag 2nd runner-up ang Western Visayas nga may 38 ka gold, 29 ka silver kag 40 ka bronze. Ini na ang ika-13 ka sunod-sunod nga tuig nga nangin overall champion ang NCR sa Palarong Pambansa halin sang 2005.
Nalakip sa Top 5 ang Negros Island Region ukon NIR nga may 26 ka gold, 27 ka silver kag 36 ka bronze medals kag ang Region 12 ukon SOCCSKSARGEN nga may 26 ka gold, 22 ka silver kag 35 ka bronze medals.
Gindeklarar naman nga champion sa Para games ang Region 4A, 1st runner-up ang Region 6 kag 2nd runner-up ang Davao region. (AGB)