Tatlo arestado sa buy bust operation sa City Proper!

Iloilo City — Tatlo ang arestado kag isa ang nakapalagyo sa buy bust operation sang Police Station 1-Drug Enforcement Unit sa Zone 2 Rizal Estanzuela, City Proper kagab-i.

Isa sa mga subjects sang operasyon si Arnel Evangelista alyas JR sang Bonifacio, City Proper ang nadakpan samtang nakapalagyo ang isa pa nga si Edrick Dillena. Nadakpan man sanday Eugene Jorque kag Aliceto Mallon.

Lunsay naman nanginwala ang mga nadakpan nga involved sila sa illegal drugs. Suno kay Chief Inspector Aldren Lamera, hepe sang police station 1, nakuha nila sa subject ang lima ka sachets sang suspected shabu kag isa ka libo ka pesos nga buy bust money. (JoMaque)