ArchivesLokal

Mga traffic enforcers nga makadakop sang mga motorista nga nagalapas sa traffic rules, plano nga hatagan sang porsyento ni Mayor Mabilog

Iloilo City — Plano ni Mayor Jed Patrick Mabilog nga hatagan ang mga traffic enforcers sang porsyento sa multa sa mga motorista nga madakpan nga nagalapas sa traffic rules. Sa blocktime program sang alkalde nga ProJobs sa Aksyon Radyo Iloilo, iya gin-athag nga kasubong ini sang sitwasyon sa Manila para malikawan ang pagpangilkil sang mga traffic enforcers.  Dugang niya, ma-engganyo ang mga traffic enforcers nga magpanakop sa mga nagalapas sa layi  sang trapiko paagi sa sini nga programa. Ginpabutyag ni Mabilog nga dapat may quota ang mga traffic enforcers sa mga madakpan nga nagalapas sa traffic rules bangud may ara sang iban nga wala gid sang may nadakpan sa sulod sang isa ka bulan. Ginpahayag ni Mabilog nga mapadala siya sa city council sang sulat para sa ginaduso nga lihok. (JoMaque)

Leave a Reply