Buy bust operation sa syudad kag probinsya
Iloilo City–Arestado sa buy bust operation sang Molo kag Arevalo police upod ang PDEA 6 ang subject nga si Willie Sagayno, 23 sang Pali Benedicto, Mandurriao kag ang back-up niya nga si Leonardo Ponclara sang Zone 8 Calumpang, Molo.
Nadakpan ang duha sa Dragon Lodge sa North Baluarte, Molo kaina sang hapon. Nakuha sa ila ang apat ka sachet sang suspected shabu kag apat pa ka daku nga sachet nga may suspected shabu residue. Ginbuyagyag ni Sagayno nga nagakuha siya sang supply sa Bacolod City.
‘Tokhang surrenderer’
Nadakpan man ang tokhang surrenderer sa buy bust operation sa Pavia. Ginkilala ang arestado kay Federico Jarangue alyas Pedic/alyas Junior.
Suno kay PCINSP Jonathan Pinuela, OIC sang Pavia Police Station, nakuhaan si Jarangue sang lima ka plastic sachets sang suspected shabu kag buy bust money nga 500 pesos. (AGB)