ArchivesLokal

Illegal drug operation nga kasubong sa New Bilibid Prison, nadiskubrehan sang PNP sa mga presuhan sa Western Visayas

Iloilo City –Nanginwala ang inmate sa Iloilo District Jail sa Pototan nga may connection siya sa transaction sang illegal nga droga sa guwa sang facilidad.

Gin-ako ni Jail Senior Inspector Abner Zamora, warden sang IDJ, nga ginpatawag niya ang inmate nga may kaso sa illegal drugs. Nanginwala suno kay Zamora ang inmate nga may connection siya sa supplier sa manila kag ginapa-agi niya ang transaksyon sa courier sa Iloilo.

Una na nga ginhambal ni Senior Supt. Christopher Tambungan, Deputy Director for Operations sang Police Regional Office 6, nga natukiban nila ang kapareho sa New Bilibid Prison nga illegal drug operation kag gintudlo nga nagapangamot ang inmate sa IDJ pero wala pa niya ginpangalanan.

Naguwa suno kay Tambungan sa tactical interrogation kanday Viviene Sian, 37 sang Gustilo La Ppaz; Jinnbee Goriano, 37 sang Mabolo Delgado kag Susan Sobrepeña sang San Miguel Iloilo nga ginmanduan sila sang inmate nga kuhaon ang drug supply sa Manila kag idistribute sa Iloilo kag Capiz.

Sanday Sian kag Goriano ang nadakpan sa buy bust operation sang Domingo kag nakuhaan sang 28 ka sachets sang suspected shabu samtang na-aresto si Sobrepeña sa separado nga operasyon kag nakuhaan sang 51 ka sachets sang suspected shabu. (JoMaque)

Leave a Reply