Intel source sang Iloilo District Jail sa Pototan, limitado suno sa warden

Pototan, Iloilo–Gin-ako ni Jail Senior Inspector Abner Zamora sang Iloilo District Jail sa Pototan nga limitado ang ila intelligence sources gani indi ma-monitor ang anuman nga aktibidad sang mga inmates sa guwa sang prisuhan.

Kasunod ini sang nakuha nga impormasyon sang Philippine Drug Enforcement Agency 6 nga may mandu halin sa detained drug personality ang pagbaligya sang illegal nga druga sa syudad. Apang gin-athag ni Zamora nga bisan kulang ang ila intel source, wala man sila nagapabaya sa pagbantay sa mga inmates kag mga nagabisita sa prisuhan.

Naga-apelar naman si Zamora sa PDEA kag PNP nga buligan ang BJMP kun may mga intel reports angut sa ginpahayag illegal drug transactions sang mga priso. (AGB)