ArchivesLokal

Philippine Plan of Action for Nutrition 2017-2022, ginlunsar sa syudad sang Iloilo

Iloilo — Ginlunsar sa syudad sang Iloilo ang Philippine Plan of Action for Nutrition ukon PPAN 2017-2022 kahapon.

Nag-abot sa syudad si Health Secretary Paulyn Jean Ubial para sa ceremonial turnover sa Iloilo paagi kay Governor Arthur Defensor. Suno kay Ubial, ginhiwat sa Iloilo ang national launching sang PPAN bangud isa ini sa 38 ka priority areas sang programa dala sang mataas nga numero sang mga bata nga may stunted growth.

Ginpangunahan naman ni DOH Assistant Secretary kag National Nutrition Council ukon NCC Executive Director Maria Bernardita Flores ang presentation. Ginduso ni Flores ang temprano nga pag-address sang problema sa stunted growth samtang ginabusong pa lang ang bata bangud base sa FNRI-DOST report halin 1989 tubtob 2015, mataas ang level sang malnutrition sa mga bata nga naga-edad sang lima ka tuig panubo. Tutukan man suno kay Flores ang maternal nutrition ilabe pa sa teenage pregnancy.

Ang PPAN 2017-2022 ginabug-usan sang 12 ka programa kag 46 ka proyekto nga magaserbe nga framework for actions nga mahimo ipatuman sang mga member agencies sang NNC, mga national government agencies, local government units, non-government organizations, academic institutions kag development partners lakip na sang media. (JoMaque)

Leave a Reply