PECO, wala nagsapak sa committee hearing sang City Council sa mga reklamo batuk sa kompaniya

Iloilo City–Wala nagtambung ang Panay Electric Company sa public hearing sang City Council may kaangtanan sa ginpahayag iregularidad sa kompaniya.

Ginhimo sang Committee on Public Utilities nga ginapamunuan ni Councilor R. Leone Gerochi ang hearing sa request ni Mayor Jed Patrick matapos ang concerns sang mga konsumedor.

Suno sa PECO paagi kay Corporate Communications Officer Mikel Afzelius, makaduha ka beses na sila nagtambong sang hearing kag nagapati nga pareho gihapon nga reklamo ang ila mabatian. Nagsulat si Afzelius sa opisina ni Councilor Gerochi kag nag-ayo nga hatagan sila sang lista sang mga konsumedor nga nagareklamo agud ma-imbitar nila sa PECO kag ma-areglo ang problema.

Una na nga naghiwat ang komitiba sang public hearing sa ginduso ni Councilor Joshua Alim nga meter reading card system agud masabat ang reklamo sa ginpahayag sala nga reading sang PECO. (AGB)