January 27, 2022

Rent-a-cellphone modus sang mga jail officers sa prisuhan, natukiban!

Read Time:59 Second

Iloilo — Ginamanduan ang mga jail guards nga ibilin ang cellphone sa opisina sang jail warden sa ti-on sang ila tour of duty. Direktiba ini sang Bureau of Jail Management  and Penology (BJMP 6) Director Rex Delarmente sa mga warden suno kay BJMP 6 spokesperson Senior Jail Officer 3 Leo Laserna kasunod sang reklamo nga may rent-a-cellphone modus sa prisohan.

Ginpagwa ang direktiba bangud na-alarma na si Delarmente nga ginagamit ang cellphone sa transaksyon sang ilegal nga druga. Ginatugutan lang ang priso nga maggamit sang cellphone sa ti-on sang emerhensya agod makontak ang pamilya apang kinahanglan nga i-lisensya sa warden suno kay Laserna.Nagpasalig si laserna nga pasakaan sang kaso administratibo ang jail guard nga nagalapas sa direktiba sang BJMP regional director.

Samtang ginpanginwala ni Laserna nga gina-arkilahan sang drug personality ang cellphone sang jail guard sang isa ka libo ka pesos kada oras. Sang damlag lang, gin-ako sang duha ka mga babaye nga nadakpan sa separado nga buybust operations sa Molo kag Jaro nga ginsugo sila nga magbaligya sang ilegal nga druga sang high value taget drug personality nga priso sa iloilo Provincial District Jail sa Nanga, Pototan. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Nagma-oy nga apo, gintiro sang iya lolo!
Next post Number 5 most wanted person sa Mina, nadakpan sa Cavite