ArchivesLokal

Anay konsehal sang Cebu City, bag-o nga LTFRB 6 Director

Iloilo City–Nagpungko sugod subong nga adlaw ang bag-o nga director sang Land Transportation Franchising and Regulatory Board ukon LTFRB 6.

Suno kay anay LTFRB 6 OIC Atty. Joscet Abellar, nagpadulong sa Iloilo si LTFRB Chairman Atty. Martin Delgra III agud mapasumpa si Richard Osmeña bilang bag-o nga director sang ahensya sa rehiyon. Si Osmeña ang anay konsehal sa Cebu City kag nangin chairman sang komitiba angut sa traffic management sa nasambit nga syudad.

Gin-athag ni Atty. Abellar nga wala siya nag-apply sa position bilang LTFRB 6 bangud mas makatrabaho siya kon indi siya ang regional director. Magapabilin si Abellar nga legal officer sang LTFRB 6. (AGB)

Leave a Reply