January 25, 2022

PO1 nga ginreklamo sang pagpangilkil, imbestigaran sang NAPOLCOM 6

Read Time:1 Minute, 1 Second

Iloilo City–Imbestigaran sang National Police Commission ukon NAPOLCOM 6 ang pulis nga gintudlo nagpangilkil sa retired government employee.

Suno kay NAPOLCOM 6 Spokesperson Allen Camiring, magahimo sang moto propio investigation ang ahensya batuk kay PO1 Glen Garbosa, 28 sang Veterans Village, City Proper kag assign sa Regional Personnel Holding and Accounting Unit sang Police Regional Office 6.

Desidido naman nga magpasaka sang kaso si alyas Rey nga nagreklamo nga nakuhaan ni Garbosa sang P155, 000 halin sang Abril. Ginsaysay ni Rey nga Abril sang ginkadtuan siya ni Garbosa nga nagpakilala nga intel officer sa Campo Delgado kag ginhambalan nga i-raid ang iya balay kon indi ma-renew ang lisensya sang iya pusil. Sugod sadto, madamo na sang ginpangayo nga kantidad si Garbosa lakip na ang inughatag sa ginpahayag commander sini kag para sa plane ticket niya pa-Camp Crame. Ginpangayuan man siya para sa pag-process sang iya birth certificate kag iban pa nga dokumento. Nagdangop sa police si Rey kag sa entrapment operation kagab-i nadakpan si Garbosa kag nakuhaan sang pusil.

Ginkumpirmar naman ni Camiring nga may reklamo man kay Garbosa sang pagpanonto sang iya kaupod nga police trainees sa field training program sa Antique sang damlag lang. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Former City Councilor Lex Tupas, nagresign sa National Youth Commission
Next post 2 PATAY, 1 PILASON SA PAGBUNGGU-ANAY SANG 2 MOTORSIKLO SA JANIUAY