Bangkay sang 62-anyos nga lalaki, nasapwan nga naga-utaw-utaw sa suba sa Cabatuan

Cabatuan, Iloilo–Nasapwan nga naga-utaw utaw sa idalom sang hanging bridge ang bangkay sang 62-anyos nga lalaki sa Barangay Pungtod kaina sang aga.

Ginkilala ang lalaki kay Herardo Cervania sang nasambit nga lugar. Suno kay PCINSP Engelbert Banquillo, hepe sang Cabatuan Police Station, ulihi nga nakita si Cervania sa tyangge nga naga-inom inom kagab-i.

May posibilidad suno kay Banquillo nga nakadanlog si Cervania bangud sang kahulugbon kag nahulog sa hanging bridge nga nagataas sang ginabanta 20 tubtub 25 ka tapak. (AGB)