‘Gamay lang ang porsyento’

Iloilo–Gamay lang ang porsiento nga ginakuha sang mga koridor sa Small Town Lottery ukon STL sa probinsiya sang sa porsiento nga ginakuha nila sa bookies.

Ini ang rason suno kay IPPO Spokesman PCINSP Aron Palomo kun ngaa madamo gihapon ang nagasakdag sa bookies. Sa impormasyon ni Palomo, 20% ang ginabaton sang mga koridor sa bookies samtang 8% lang sa STL. Isa ini suno sa iya sa mga dapat hatagan atensyon sang STL operator nga Eagle Crest Corporation.

Ginakadtuan man sang kapulisan ang mga ginatudlo nga operator sang illegal gambling. Sang damlag lang, gin-ako ni anay Barotac Nuevo Mayor Pedro ‘Indo’ Hautea nga bulig sa mga imol ang iya ginahimo pero nagpasalig siya nga magabulig na sa legal kon mapasiguro ang benepisyo sang mga koridor.

Magluwas kay Hautea, ginhinambit man ni Malomo si alyas Piling sa Banate nga ginpahayag bangka sa illegal nga sugal. (AGB)