Pulis sa Lapaz, gintudlo sang pila ka residente sang Barangay Alalasan nga nagapadihot sa pagkalakip sang ila pangalan nga drug personalities

Iloilo City–Gintudlo sang pila ka mga pumuluyo sa Barangay Alalasan, Lapuz si PO1 Johnny Delgado nga nagpadihot agud malakip ang ila pangalan sa listahan sang mga drug personalities.

Suno kay Jeffrey Nuñez, clerk sa barangay, nakibot siya sang nahibaluan nga ginakabig siya nga high value target drug personality. Si Nuñez ang nagaserbe man nga asset sang Philippine Drug Enforcement Agency. Mga kaupod man niya sa PDEA ang nagpahibalo sa iya sa kabalaka nga mabutang siya sa delikado.

Wala sang iban nga ginapasibangdan si Nuñez kundi si PO1 Delgado bangud nagadumot suno sa iya. Suno kay Nuñez, siya ang nagpadakop sa amay ni Delgado sadto bangud nagmaoy kag gintuyo nga i-arbor sang pulis pero wala siya nagpasugot.

Gin-athag ni Nuñez nga wala siya nagabaligya sang druga kag sa pagkamatuod siya pa ang nagabulig agud madakpan ang mga durugista.

Gin-akusaran man sini si PO1 Delgado nga wala nag-remit sang mga nadakpan sini nga naga-pot session kag sa baylo, ginkuha lang sini ang nakumpiskar nga shabu. (AGB)