Tokhang surrenderer, nadakpan sa buy bust operation sa Barotac Nuevo
Iloilo — Nadakpan sa buy bust operation ang tokhang surrenderer kag low value target drug personality sa Tabucan Barotac Nuevo kahapon.
Ginkilala ang arestado kay Josefina Doctora, 42 anyos sang Ilaya Poblacion sa amo nga banwa. Suno kay SPO4 Glen Azucena sang Barotac Nuevo Police Station, anum tanan ka sachets sang suspected shabu ang nakuha kay doctora lakip ang isa ka buy bust item. Narecover man ang buy bust money nga 500 pesos.
Ang anti-drug operation ginhimo sang gintingub nga puwersa sang Provincial Drug-Enforcement Unit 5th element, Pototan police kag Barotac Nuevo police. Gina-claim sang arestado nga nagakuha siya sang drug supply sa Iloilo District Jail sa Pototan. (JoMaque)