January 23, 2022

Hepe sang La Paz Police Station, nagdepensa kag PO1 Johnny Delgado nga ginatudlo sang pila ka residente sa Alalasan Lapuz nga naglakip sa ila pangalan sa drug list

Read Time:54 Second

Iloilo City — Gindepensahan ni Senior Inspector Rey Sumagaysay, hepe sang La Paz Police Station si PO1 Johnny Delgado nga ginatudlo sang pila ka pumuluyo sa Alalasan Lapuz nga naglakip sa ila pangalan sa drug list.

Suno kay Sumagaysay, madugay na naguwa ang pangalan sang pila ka residente sang Alalasan Lapuz nga may kahilabtanan sa illegal drugs.

Una nga naglusot suno sa iya ang pangalan nanday barangay tanod Regie Alegria kag barangay clerk Jeffrey Nuñez sa first phase sang Double Barrel Alpha. Ginpasa ang mga pangalan sa national headquarters kag sang ginbalik ang Double Barrel Reloaded sang Marso, nalakip na suno kay Sumagaysay sa verified list ang mga pangalan.

Nagreklamo sa Aksyon Radyo sanday Alegria kag Nuñez nga nakibot kun ngaa nalakip sila sa drug list.  Nagapati sanday Alegria kag Nuñez ng si PO1 Delgado ang nagpadihot nga malakip ang ila pangalan bangud gindakup sadtu ang iya amay sa pagpahubog.

Ginrason naman ni Sumagaysay nga antes pa man na-assign sa La Paz Police Station si PO1 Delgado, naguwa na ang pangalan sang pila ka residente sa barangay Alalasan. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Tokhang surrenderer, nadakpan sa buy bust operation sa Barotac Nuevo
Next post 2 ka menor nga may HIV, narecord sa Iloilo City