2 ka menor nga may HIV, narecord sa Iloilo City

Iloilo City–Kumpirmado nga may duha ka menor-de-edad nga may human immunodeficiency virus ukon HIV sa syudad.

Suno kay Jenny Lynn Ruaya sang Western Visayas Medical Center, 15 kag 16-anyos kag lunsay mga lalaki ang ginreport nga may HIV. Suno naman kay Roberto Figuracion Jr sang Planning Organization of the Philippines, naga-coordinate na sila sa City Social Welfare and Development Office para sa case management sang mga minors.

Sa data sang Department of Health sa Western Visayas, may pinakamadamo nga kaso sang HIV ang naga-edad 25-34 nga may 855 halin 1986 tubtob Pebrero, 2017. Nagasunod ang naga-edad 15-24 nga may 427 ka kaso. May tatlo naman ka narecord nga naga-edad 15-anyos panubo.

Kalabanan sa mga natapikan sang HIV ang mga lalaki. (AGB)