ArchivesLokal

Ginabanta P500k nga balor sang suspected shabu, nakuha sa nagpakilala nga menor-de-edad sa Roxas City

Capiz–Ginabanta sa tunga sa milyon ka pesos nga balor sang suspected shabu ang nakuha sa nagpakilala nga menor-de-edad nga si Johari, tumandok sang Dasmariñas, Cavite, sa drug buy bust operation sa Roxas City.

Suno kay PSSUPT Samuel Nacion, Director sang Capiz Police Provincial Office, una nga target sang Provincial Drug Enforcement Unit sang Capiz ang magulang ni Johari nga si Marwin pero ginpadala sini ang manghod para magdeliver sang illegal drugs. Wala naman nalakip sa listahan sang mga drug personalities si Johari pero ginakabig nga High Value Target ang magulang nga si Marwin.

Natukiban sang mga pulis nga negosyo sang pamilya ang illegal nga druga bangud napreso man ang iloy nila kag ila bayaw bangud sang illegal drugs. (AGB)

Leave a Reply