Lalaki, patay sang naglumpat sa taytay sa Jaro

Iloilo City–Gindeklarar nga dead-on-arrival sa ospital ang lalaki nga naglumpat sa taytay sa Tabuc Suba, Jaro pasado las-10 kaina sang aga.

Ginkilala ang lalaki kay Danny Valderrama, 47, sang MH Del Pilar, Jaro. Nagsaka si Valderrama sa barandilya kag naglumpat sa masobra 20 ka tapak nga kataason sang taytay. Una nga nagtupa ang tiil sini sa lutakon nga parte.

Ginapatihan nga may nervous breakdown si Valderrama.

Suno kay SPO1 Velmor Morcillo sang Jaro Police Station, masami si Valderrama nagakadto sa police station kag boluntaryo nga nagapapreso kag nagapahayag nga may kaso siya nga rape kag arson. (AGB)