ArchivesLokal

Lalaki nga ginreklamo sang karelasyon nga nagapamahog nga ipalapta ang ila sex video kun indi maghatag sang kwarta, Dakop sa Entrapment Operation

Ajuy — Nadakpan sa entrapment operation sang Ajuy Police ang lalaki nga ginreklamo sang iya karelasyon nga nagapamahug nga ipalapta ang ila sex video kun indi siya maghatag sang kwarta. Ginkilala ang arestado kay George Mitangue, 30-anyos sang Culasi, Ajuy. Kasado si Mitangue suno kay Chief Inspector Charlie Sustento, hepe sang Ajuy Police Station kag lain nga babaye ang nagreklamo batuk sa ita. Suno kay Sustento, nagpangayo sang bulig ang tagreklamo bangud isa ka tuig na siya nga ginapahug sang suspek nga ipalapta ang ila sex video kon indi niya paghatagan sang kwarta. Nagpasugot ang babaye nga i-entrap si Mitangue paagi sa paghatag sang P10, 000 kabaylo sang memory card nga naga-unod sang ila nga sex video. Narecover kay Mitangue ang cellphone nga may memory card kag sang gin-verify, konfirmado suno kay Sustento nga may unod nga tatlo ka sex videos. Ginlaygayan ni Sustento ang babaye nga magpablotter sa police station sa syudad matapos sini ginsugid nga ginapa-inum siya sang suspek antes sila magsulod sa lodging house kag ginakuhaan sang video. (NemesioMartirez)

Leave a Reply