‘Nagapangabay sang paghangup’

Iloilo City–Nagpangabay sang paghangop si Monsignor Joemarie Delgado, director sang Jaro Archdiocesan Commission on Social Communications, sa mga reklamo nga indi gilayon ma-aksyunan sang archdiocese.

Gintumod dire ang madamo nga mga reklamo batok kay Monsignor Juanito Tuvilla, kura paruko sang Sta. Barbara Parish. Pinaka-ulihi nga reklamo batok kay Tuvilla ang ginhimo sini nga pagpa-untat sa kanta sang bata nga naghatag sang tribute sa iya napatay nga lola sa sulod sang simbahan. Ginreklamo man siya nga nagyawyaw sa kasal bangud sa sexy nga suksok sang mga abay kag ang indi sini pagpasugot nga makagamit sang CR sang simbahan ang babaye.

Suno kay Delgado, ang solusyon sa sini nga mga reklamo, nagahalin gid sa senior arsobispo. Pero ginakunsiderar nila ang sitwasyon subong sang ikaayong lawas ni Jaro Archbishop Angel Lagdameo.

Ginpahayag sini nga gusto man nila nga mahatagan sang gilayon nga aksyon ang mga reklamo pero limitado subong ang hulag sang arsobispo kag may mga tiun nga ginadala ini sa ospital. (AGB)