Brigada Eskwela 2017, ginlunsar sa syudad

Iloilo City–Ginhingyo ni Department of Education Iloilo City Officer-in-charge Clarissa Zamora ang tanan nga stakeholders ilabe na ang mga estudyante kag ginikanan nga magpasakop sa isa ka semana nga Brigada Eskwela.

Ginpabutyag ini ni Zamora sa kick-off ceremony sang aktibidad kaina sang aga sa Fort San Pedro National High School kaina sang aga.

Suno kay Zamora indi required ang mga estudyante nga magpasakop sa Brigada Eskwela kag ginapasalamatan ang mga volunteers nga nagbulig sa aktibidad ilabe na ang mga personnel sang Bureau of Fire Protection kag mga pulis.

Nangin dinapit nga bisita sa launching sang Brigada Eskwela si Mayor Jed Patrick Mabilog lakip na sanday City Councilors Armand Parcon, Jeffrey Ganzon kag pila ka mga opisyal sang Dep-Ed Region 6. (AGB)