ArchivesLokal

PRO 6, may bag-o nga Regional Director!

Iloilo City–Multi-awarded ang bag-o nga director sang Police Regional Office 6. Ginhiwat kaina sang aga ang turn-over of command sa pagbulos ni PCSUPT Cesar Hawthorne Binag kay PCSUPT Jose Gentiles bilang bag-o nga director sang PRO 6.

Kaupod lang ni Binag nga nag-abot sa Campo Delgado ang iya asawa. Suno kay PSUPT Gilbert Gorero, spokesperson sang PRO 6, madamo sang awards si Binag kag daku ang papel sa PNP transformation program.

Kumpiyansa naman si Gorero nga mangin epektibu si Binag sa Western Visayas kon updan sang publiko. Magatutok gihapon ang bag-o nga regional director sa internal cleansing sang kapulisan kag kampanya batuk sa mga ilegalidad lakip na ang illegal drugs kag illegal gambling.

Si PCSUPT Binag ang graduate sang Philippine Military Class of 1987 kag director sang Firearms and Explosives Office sa Camp Crame antes ginsaylo sa PRO 6. Ginsaylo naman si Gentiles bilang director sang Directorate for Integrated Operation sa Eastern Mindanao. (AGB)

Leave a Reply