BJMP 6, wala na-establisar nga naghalin sa Iloilo District Jail ang supply sang illegal nga druga
Iloilo — Wala gid ma-establisar sang Bureau of Jail Management and Penology (BJMP) nga nagahalin sa sulod sang Iloilo District Jail sa Nanga, Pototan ang illegal nga druga. Nag-interes ang Regional Office nga mag-imbestigar matapos nagpahayag si Josefina Doktora nga nadakpan sang mga pulis sang Barotac Nuevo sa drug bust operation. Ginpabutyag ni SJO3 Leo Laserna nga ang duha ka priso nga gintudlo ni Doktora nga ginakuhaan niya sang supply sang illegal nga druga ang wala nag-ako kag nag-negatibo man sa drug test. Indi kumbinsido ang mga imbestigador sa panaysayon sang duha ka priso nga amu sanday Marco dela Cruz kag alyas Pakloy Alarba. Bisan ang iban nga mga priso nga ginpamangkot ang nagpabutyag nga wala sang illegal drugs sa IDJ. Suno kay Laserna, magahimo na lang sila sang rekomendasyon nga ipasa sa regional director kun anu ang dapat himoon sa Iloilo District Jail. (JoMaque)