(UPDATE) Untat-biyahe sa May 22 kag 23, indi na madayon

Iloilo City–Indi na madayon ang untat biyahe sang transport groups sa Western Visayas sa Mayo 22 kag 23.

Suno kay Iloilo City Loop Alliance of Jeepney Owners and Drivers Association ukon ICLAJODA President Boyet Parcon, luyag pa nila lab-uton ang iban nga operators agud enggayuhon nga mag-upod sa transport strike. Magluwas sini, magasapol man sila upod sa transport groups sa syudad sang Bacolod buwas.

Sa pinaka-ulihi nga meeting sang transport groups sa Iloilo, gintalana ang untat-biyahe sa Hunyo 5 kag 6.

Una na ginkonfirmar ni Parcon nga mahimo sila sang transport strike bilang pagpamatok sa modernization program sang Department of Transportation nga nagatuyo dulaon ang mga depasahero nga slakyan nga naga-edad sang 15 anyos pasaka. (AGB)