Manugluto sa restaurant, nasamaran matapos ginyudyod sang riding-in-tandem nga nagtuyo mag-agaw sang iya bag

Iloilo City–Napal-ok ang tiyan, nabagrasan ang tuo nga kamot kag nakakas pa ang kuku sa tuo nga kumalagko sang manugluto sa restaurant sang ginyudyod sang riding-in-tandem matapos ginsabnit ang iya bag sa Jalandoni Street, City Proper kaina sang aga.

Suno sa biktima nga si Adelfa Launio ,47-anyos sang Barangay Boulevard, Molo, nagalakat siya sang ginpalapitan sang wala makilala nga riding-in-tandem kag gin-agaw ang iya bag.

Ginhawiran ni Launio ang iya bag rasun nga naguyuran siya samtang nagadalagan ang motorsiklo. Wala nakuha ang bag sang biktima nga may unod nga P1, 500 kag cellphone. (AGB)