Speed limit ordinance sang syudad, ipatuman sugod sa Hunyo

Iloilo City — Magasugod ang implementasyon sang speed limit ordinance sa syudad sa Hunyo. Nakabakal ang city government sang 5 ka speed guns kag naka-conduct na sang dry run ang Transportation Management and Traffic Regulation Office (TMTRO). Katuyuan sang pag-implementar sang speed limit nga mapahagan-hagan ang kadasigon sang mga salakyan agud malikawan ang mga aksidente sa dalanon.

Base sa ordinansa, 60km/hour ang maximum speed limit sang mga passenger automobiles kag motorcycles sa General Luna, Diversion Road, Ungka kag sa mga circumferential, radial kag coastal roads sa syudad. 40km/hour naman sa Sambag-CPU-Jaro plaza, Capitol-Gen Luna-Mohon, JM Basa Street-Fort San Pedro, City Proper kag 30km/hour sa iban pa nga highways, streets kag roads, national man ukon local nga sakup sang juridiction sang syudad. (JoMaque)