Ginpahayag Online/ On-Call Sex Transaction Sa Syudad Natalana Diskusyunan Sang Intel Unit Sang Task Force On Moral And Values Formation

Iloilo City –  Diskusyunan sang Intelligence and Investigation Unit sang Task Force on Moral and Values Formation sa lunes ang ginreport nga operation sang online/on call sex transactions sa syudad.

Suno kay task force head Jorge Duron, istoryahan nila sang intel unit ang himoon nga entrapment operation sa mga yara sa likod sang sex transactions.

Ginmanduan ni Duron ang mga personnel sang Intelligence and Investigation Init nga usisaon ang online/on call sex transactions nga ginpahayag nagatabu sa Smallville area sa Mandurriao.

Sa impormasyon nga nabaton sang task force, ginahimo nga contact ang mga security guard kag bouncer sang mga establisiemento komersyal sa Smallville Complex.

May impormasyon man nga nagsaylo na sa Smallville Complex ang mga bugaw sa City Proper area.

(ATT)