Paghatag sang quota sa mga traffic aides, indi na pagpadayunon sang city government

Iloilo City — Indi na pagpadayunon sang city government ang paghatag sang quota sa mga apprehensions sa kada traffic aides. Suno kay TMTRO Head Bob Foerster, mangin target na lang sang traffic aides amu ang paghawan sang ila area of assignment. Gin-ako ni Foerster nga mabudlay ang ginhatag nga target ni Mayor Jed Patrick Mabilog nga 50 ka mga traffic violators ang dakpon sa isa ka bulan sang kada traffic aide ilabe na kun diutay lang nga mga salakyan ang naga-agi sa ila area of assignment. Dugang pa niya, ang importante nga naga-perform sang obligasyon nila ang mga traffic aides paagi sa pagpatawhay sang trapiko. Matandaan nga naghatag sang instruction si Mabilog sa mga traffic aides nga dapat lab-uton ang 50 ka apprehensions sini nga bulan agud indi mapahalin sa ila trabaho. Sa ulihi nga interview sang Aksyon Radyo kay Mabilog, ginpahayag sini nga ginatugyan niya kay Foerster ang pagdesisyun kun padayunon ang paghatag sang quota sa mga traffic aides. (JoMaque)