32 ka mga Custodial Jail Guards sang Iloilo District Jail sa Nanga Pototan, ginkakas sa puwesto

Iloilo — Ginkakas sa puwesto sang Bureau of Jail Management and Penology 6 ang 32 ka custodial jail guards sang Iloilo District Jail sa Nanga, Pototan. Gindesisyunan ni BJMP 6 Director Rex Delarmente nga kakason ang nasambit nga mga jail guards kag ginrekomendar sa Department of Interior and Local Government (DILG) Central Office nga kakason man sanday Jail Inspector Henry Harder, Assistant Jail Warden kag Jail Senior Inspector Abner Zamora, Jail Warden sang IDJ. Plano ni Delarmente nga ibutang sa Jordan District Jail si Harder samtang si Zamora, ibutang sa Regional Office sang BJMP. Suno kay Delarmente, kum maaprobahan na sang DILG ang iya nga recommendation, maga-conduct sila sang re-investigation sa mga priso agud mahibaluan kun sin-o gid ang nagapasulod sang mga kontrabando. (JoMaque)