ArchivesLokal

Ginakabig HVT level 2 sa drugs watchlist sang ICPO nga si Miguel Jancilan, nag-surrender

Iloilo City — Nag-surrender sa Iloilo City Police Office si Michael Jancilan, 40-anyos sanbg Cabugao Sur, Sta Barbara, kag ginatudlo high value target level 2 sa drugs watchlist sang ICPO. Ginpahayag nga nag-surrender si Jancilan agud athagon ang iya pangalan sa kahilabtanan sa illegal nga druga. Nagapangatubang sang kaso nga murder si Jancilan sa pagpatay kay SPO2 Rex Delos Reyes sa Negros Occidental kag possession of explosives sang 2014. Nakaguwa sa prisuhan si Jancilan sang nakapiyansa sang 200,000 pesos sa kaso nga murder.

Ginpasakaan man sang kaso nga homicide si Jancilan may kaangtanan sa pagpatay kanday PO1 Rizaldy Henarios kag Freddie Animas sa Pavia sang 2013. Apang naareglo ang kaso sang nagbayad sang 350,000 pesos si Jancilan sa pamilya sang mga biktima.

Nagsurrender si Jancilan sa ICPO Intelligence Unit kag nag-ako nga nagagamit sang illegal nga druga sang 2002 tubtub 2003. Si Jancilan ang naga-trabaho sadtu nga car wash boy sang Melvin Taxi Company nga ginapanag-iyahan ni the late PDEA 6 drug group leader Melvin”Boyet” Odicta. (JoMaque)

Leave a Reply