‘DAW MAHIBI KO SA KABUSOG’
Guimaras–Daw mahibi sa kabusog ang 20-anyos nga estudyante nga nagdaug sa Mango-Eat-All-You-Can Contest sa Manggahan Festival sa Guimaras.
Suno kay Darry Aclo sang Koronadal City, South Cotabato, first time niya nagkadto sa Guimaras kag nagpasakop sa contest. Gin-ako niya nga ginhandum niya nga ma-break ang record sang nagligad nga tuig nga 13 kilos ilabe na nga may mga abyan siya nga nagmuno sa iya kag nagpabutyag sang suporta nga masarangan gid niya ang contest sa padamu-damo kaun paho. Ginpahayag ni Aclo nga nag-puasa siya sang Sabado bilang miyembro sang Seventh Day Adventist kag sang Domingo, wala gid siya maglaum nga maubos niya ang 46 ka bilog nga paho nga nagalab-ut sa 14 ka kilo sa sulod lang sang 30 minutos.
Kun mahatagan tyansa, plano ni Aclo nga magbalik liwat sa masunod nga tuig para depensahan ang iya title. Si Aclo ang naga-summer job subong sa Iloilo bilang health books promoter.
Siya ang graduate sa kurso nga Marine Engineering. (AGB)