Kadagatan sa Western Visayas, hugot nga ginabantayan sang Coast Guard kasunod sang kinagamo sa Mindanao

Naka-alerto ang mga Coast Guard stations sa Western Visayas sa posible epekto sang kinagamo sa Mindanao nga rason sang pagdeklarar ni Presidente Rodrigo Duterte sang Martial Law sa sulod sang 60 ka adlaw.

Ginkumpirmar ni Coast Guard Iloilo Station Commander Ramil Palabrica nga may mandu sa ila si Commodore Lyndon Latorre, commander sang Coast Guard District Western Visayas, nga mag-alerto. Ginpasangkad nila ang sea patrol kag monitoring ilabe na sa mga posible entry points halin sa Mindanao.

Nagpakig-angut man ang Coast Guard sa local government units nga malapit sa dagat agud makapangaman kon may magdungka nga makaduluda nga mga tawo. (AGB)